Yr Athronydd Gwrthniwclear
Trodd o fod yn wyddonydd yn Windscale i fod yn llais gwrthniwclear
cynnar, unig.
Gwyddonydd niwclear gwrthniwclear oedd Owain Owain.
| 15 Hydref 1964 | Y ddelwedd fawr sy'n llwytho'r awyr â strontiwm naw-deg. Nid yw'r erchyllbethau a esgorir gan wragedd ymhen cenedlaethau yn ddim ond hunllef dychymyg niwrotig sy'n pylu'n ddim yn llewyrch breuddwydion y gwladwriaethau mawr. |
| Ysgrif yn Y Faner | |
| 6.8.69 Nodion Gwyddonol | '... pan gofiwn am y croeso brwd a roddodd yr Ynys i ddwy ffynhonnell - Wylfa a Rio Tinto - a fydd yn parhau i wenwyno Môn a'i phlant ymhell ar ôl i bwer yr atom a defnyddgarwch alwminiwm fod mor hen ffasiwn a stof-baraffin a gwlanen goch? etc. |
27-5-1970 Nodion Gwyddonol |
'Mae'r term "Cadwraeth" - a'i gyfystyr
Saesneg, "Conservation" - yn rhy farwaidd. Bwrlwm bywyd,
natur yw natur... Nid rhywbeth sy'n sefyll y tu allan i hyn
i gyd yw dyn... ond rhan anochel ac anrhydeddus o'r patrwm
cyflawn. O leiaf - felly y dylai hi fod. Yn anffodus nid felly y mae hi. Bellach, mae dyn yn ystyried ei hun yn endid annibynol, y tu allan i'r patrwm, gyda'r hawl ganddo i newid y patrwm i'w fodloni ei hun. Gan anghofio, wrth gwrs, fod unrhyw newid yn y patrwm yn gorfodi newid ynddo ef ei hun, sy'n rhan o'r patrwm. Yr un gwendid sydd wrth wraidd y "pechod" hwn ag sydd wrth wraidd y mwyafrif o'n pechodau - diffyg parch, a'r diffyg parch yn ei gwneud hi'n bosibl i ni ganolbwyntio ar y "cael" heb ystyried y "rhoi". Yr hen, hen stori, wrth gwrs, o roi'r hunan o flaen arall. Yr "arall" yn nhestun "Cadwraeth Natur" yw'r cenedlaethau sydd i ddod.... Rydym yn rhy barod o'r hanner i dderbyn elw'r presennol heb ystyried colledion y dyfodol. |
| 15/12/1971 Nodion Gwyddonol | 'Bum yn gweithio yn Windscale (Cumberland
am gyfnod byr iawn, rai blynyddoedd yn ôl. Yn ffodus roedd
hynny cyn i ddamwain hunllefus 1957 ddigwydd. 'Mae trigolion Gwynedd- eisioes wedi'u melltithio a dwy atomfa hen-ffasiwn, a'r clochlefain hurt am drydedd atomfa i'w glywed unwaith eto...' ayb |